Тошкентнинг “Бундкор” футбол клуби Чемпионлар лигасининг 5-тури доирасидаги баҳсни ўтказиш учун яшил қитъага йўл олди.

Хабарингиз бор, Миржалол Қосимов шогирдлари 2 май куни меҳмонда “Аделаида Юнайтед” клуби билан куч синашишади. “Қалдирғочлар” ушбу олис сафарги бир мунча вақтлироқ йўлга чиқишди.

“Бунёдкор” ФК делегацияси Тошкент – Банкок – Куала-Лумпур – Аделаида йўналиши бўйича парвоз қилишади. Умуман олганда, бунёдкорчилар бир ярим сутка давомида йўлда бўлишади.

Миржалол Қосимов Австралияга қуйидаги футболчиларни олиб кетди:
Дарвозабонлар – Игнатий Нестеров ва Акбар Тўраев
Ҳимоячилар – Акмал Шораҳмедов, Хайрулла Каримов, Анвар Ғофуров, Эмиль Кенжисариев, Славолюб Жоржевич
Ярим ҳимоячилар – Дэвид Карни, Жавлон Иброхимов, Анвар Ражабов, Шавкат Саломов, Лутфулла Тўраев, Алибобо Раҳматуллаев, Виктор Карпенко, Руслан Мельзиддинов ва Ян Козак
Ҳужумчилар – Камолиддин Мурзоев, Анваржон Солиев ва Баҳодир Пардаев

Чемпионлар лигасининг 5-тури доирасидаги “Аделаида Юнайтед” – “Бунёдкор” учрашуви 2 май куни Тошкент вақти билан соат 15:00да бошланади. Учрашув “Спорт” телеканали орқали жонли эфирда олиб кўрсатилади.