«ПСЖ» ярим ҳимоячиси Леандро Паредесга Лондоннинг икки клуби «Арсенал» ва «Тоттенхэм» қизиқиш билдирмоқда, дея хабар беради Calciomercato.
Аввалроқ, «ПСЖ» ёзда таркибни ўзгартириш ниятида эканлиги ва Паредес клубни тарк этадиган футболчилардан бири эканлиги ҳақида маълумотлар пайдо бўлганди. Футболчига Премьер-лига клубларидан ташқари «Ювентус» ва «Интер» ҳам қизиқиш билдирмоқда.
Паредес 2019 йилда «ПСЖ»га ўтганидан бери ўз салоҳиятини рўёбга чиқара олмади. Унга ўйин вақти етишмади.
Паредеснинг «ПСЖ» билан шартномаси бир йилдан кейин тугайди.
