«Вильярреал» дарвозабони Херонимо Рульи «Бавария»га қарши Чемпионлар лигаси 1/4 финал биринчи ўйинидан олдинги фикрлари билан ўртоқлашди.

«Биз барча рақибларга бир хил ҳурмат билан қараймиз. Ҳа, «Бавария» – фаворит, лекин биз яхши ўйнашни ва тарих яратишни истаймиз.

Туринда бўлиб ўтган 1/8 финал жавоб баҳсида жамоамиздагиларнинг барчаси бир йўналишда ҳаракат қилишди. Бугун биз яна шундай қилишга ҳаракат қиламиз», - дея Рульининг сўзларини келтиради УЕФА расмий сайти.

«Вильярреал» – «Бавария» учрашуви бугун, 6 апрель куни бўлиб ўтади. Бошланиши 22.00 (Москва вақти билан).