«Барселона» бош мураббийи Хави Эрнандес шу йилнинг ёзида шартномаси якунига етадиган франциялик футболчи Усмон Дембеле билан юзага келган вазият ҳақида фикр билдирди.
«Агар менга боғлиқ бўлса, дарҳол Дембеле билан шартномани узайтирардим. Лекин ишлаш учун бизга аниқ рақамлар керак. Араухо, Гави, Роберто билан ҳам музокаралар олиб боришимиз керак... Умид қиламанки, Усмон »Барселона«да қолади. У ўз позициясида дунёнинг энг яхши футболчиси бўла олади», - деди Хави.
24 ёшли Дембеле жорий мавсумда «Барселона» сафида барча турнирларда 22 та ўйинда майдонга тушиб, 2 та гол урди ва 10 та голли узатмани амалга оширди.
