"Андижон" ва "Нефтчи" жамоалари ўртасидаги учрашув ниҳоясига етгач, "Нефтчи" бош мураббийи Юрий Саркисян учрашув борасида фикрлари билан ўртоқлашди.

"Сизлар мени кўрганингиздан хурсанд эканингизни айтяпсиз. Лекин ҳакам бундай деб ўйламаётгандир. У мени кўрганидан хафа бўлса керак".

"Ўйин ҳақида нима дейишим мумкин?. Бизни халқаро мусобақада иштирок этаётганимиз боис бўлаётган хорижий сафарлар қийнаб юборди. Бугун ҳам футболчиларимизда чарчоқ аломатлари сезилиб қолди".

"ОФК кубогини деб икки нафар асосий дарвозабонимиздан фойдалана олмаяпмиз. Улар жароҳат олишган. Шу боисдан ҳам учинчи дарвозабонимиз хизматидан фойдаланишга мажбур бўлдик. Киритилган голда айнан Элдорнинг хатоси бор деб ҳисоблайман".

"Андижон" бугун ғалаба қозонди. Ғолиблар эса еч қачон муҳокама қилинмайди. Лекин ўйинда биз улардан кўра кўпроқ вазиятларни яратгандик. Лекин улардан фойдалана олмадик".

Бегали Азимов ёзиб олди.