«Лацио» президенти Клаудио Лотито тез орада римликлар бош мураббийи Маурицио Сарри билан учрашади, дея хабар беради журналист Николо Скира.
Манбага кўра, йиғилишда президент ва мураббий жамоанинг келаси мавсумдаги режаларини муҳокама қилади. Лотито 63 ёшли мутахассис билан янги шартнома борасида ҳам музокаралар олиб бориш ниятида.
Сарри «Лацио»ни 2021 йилнинг июнидан бери бошқариб келади. Клуб ва мураббий ўртасидаги шартномаси 2023 йилнинг июнигача амал қилади. Жамоа 31 учрашувда 52 очко билан Италия чемпионати турнир жадвалида олтинчи ўринда бормоқда.
Олдинроқ «Лацио» Саррига 2025 йилгача мўлжалланган шартнома таклиф қилмоқчи эканлиги хабар қилинганди.
