«Айнтрахт»нинг япониялик ярим ҳимоячиси Даита Камада «Барселона» билан Европа лигаси доирасидаги бўлажак ўйиндан олдинги фикрлари билан ўртоқлашди.
Камада ҳар доим Каталония жамоасининг ўйинларини кузатиб боришини айтди. Япон футболчиси мавсум бошида «Барселона»да муаммолар бўлганини, аммо ҳозир «кўк-анорранглилар» билан ҳаммаси жойида эканлигини таъкидлади. Даитанинг қўшимча қилишича, «Айнтрахт» каталонияликлардан қўрқмайди, чунки немис клуби ҳамма жойда ва ҳамма ғалаба қозонишга қодир.
Эслатиб ўтамиз, «Айнтрахт» ва «Барселона» ўртасидаги биринчи чорак финал учрашуви бугун Тошкент вақти билан соат 00.00да бўлиб ўтади.
