"Манчестер Юнайтед" ёзда "Вест Хэм" ва Англия терма жамоаси ярим ҳимоячиси Деклан Райсни қўлга киритиш орқали ўзининг трансфер рекордини янгиламоқчи. Аввалроқ, "болғачилар" ўз ёш футболчисини 100 миллион евродан кўпроққа баҳолаётгани хабар қилинганди.
90 min Football хабарига кўра, Райснинг агенти яқинда "Вест Хэм" раҳбарияти билан учрашув ўтказган ва у мижози ёзги мавсумда жамоани тарк этиш зарурлигини ҳис қилганини айтган. Англиялик футболчи топ-клубда ўйнаш даражасида етганига ишонмоқда.
Ярим ҳимоячига яна бир даъвогар Лондоннинг "Челси" клуби бўлиб, Райс унинг академиясида футбол бўйича таълим олган.
