Грузия терма жамоаси собиқ бош мураббийи Владимир Вайсс Батумининг «Динамо» клуби ярим ҳимоячиси Хвича Кварацхелия «Наполи»га ўтиши мумкинлиги ҳақидаги миш-мишларга изоҳ берди.
«Менимча, Хвича «Наполи»га ўтишга тайёр. Унда ажойиб истеъдод мавжуд. Агар ушбу трансфер амалга ошса, жуда хурсанд бўламан.
«Наполи» яхши жамоа, Хвича эса Инсинье ўрнига бемалол ўйнай олади. Ўйлайманки, у ўзининг фазилатларини намоён эта олади: тезлик, дриблинг, ассистентлик.
Хвича ажойиб истеъдод эгаси. Ҳамма нарса фақат унинг ўзига боғлиқ», — дейди Вайсс.
