«Вильярреал» январь ойидан бери Лондоннинг «Тоттенхэм» клубидан ижара асосида испан клубида ўтган ярим ҳимоячи Жованни Ло Чельсони ўз сафида сақлаб қолиш ниятида, деб хабар беради Маrcа.
Яқин вақт ичида «Вильярреал» раҳбарияти аргентиналик футболчининг ижара муддатини яна бир мавсумга узайтириш масаласини муҳокама қилиш мақсадида «Тоттенхэм» билан музокаралар олиб боришни режалаштирмоқда. Клублар ўртасидаги амалдаги келишувда сотиб олиш варианти кўзда тутилмаган.
25 ёшли аргентиналик Испания чемпионатида 8та ўйин ўтказишга муваффақ бўлди. Шунингдек, Чемпионлар лигасида ҳам 3 та учрашув ўтказди.
Ло Чельсонинг «шпорлар» билан шартномаси 2025 йилнинг ёзига қадар мўлжалланган. Трансфермаркт портали футболчининг нархини 22 миллион еврога баҳоламоқда.
