«Vilyarreal» yanvar oyidan beri Londonning «Tottenxem» klubidan ijara asosida ispan klubida o‘tgan yarim himoyachi Jovanni Lo Chelsoni o‘z safida saqlab qolish niyatida, deb xabar beradi Marca.
Yaqin vaqt ichida «Vilyarreal» rahbariyati argentinalik futbolchining ijara muddatini yana bir mavsumga uzaytirish masalasini muhokama qilish maqsadida «Tottenxem» bilan muzokaralar olib borishni rejalashtirmoqda. Klublar o‘rtasidagi amaldagi kelishuvda sotib olish varianti ko‘zda tutilmagan.
25 yoshli argentinalik Ispaniya chempionatida 8ta o‘yin o‘tkazishga muvaffaq bo‘ldi. Shuningdek, Chempionlar ligasida ham 3 ta uchrashuv o‘tkazdi.
Lo Chelsoning «shporlar» bilan shartnomasi 2025 yilning yoziga qadar mo‘ljallangan. Transfermarkt portali futbolchining narxini 22 million yevroga baholamoqda.
