«Бенфика» ҳужумчиси Дарвин Нуньес агентини ўзгартиришга қарор қилди, деб хабар беради Diario Sport. Дарвин ўзининг агенти Эдгардо Ласалвиа билан хайрлашди ва Криштиану Роналду ва Жоау Феликс каби футболчилар билан ишлайдиган Хорхе Мендеш билан шартнома имзолади.
Уругвайлик ҳужумчи Чемпионлар лигаси 1/4 финалининг биринчи ўйинида «Ливерпуль»га қарши ўйинда гол урган, шунингдек, турнирнинг аввалги босқичида ҳам тўп киритганди. Футболчи бир неча топ клубларнинг эътиборида бўлиб турибди. Нуньес ёзги мавсум оралиғида Португалия клубини тарк этиши кутилмоқда.
