Diario Sport нашри хабарига кўра, Роберт Левандовски «Барселона»га ўтмоқчи. Футболчи агент Пини Захави орқали шартнома бўйича ўз талабларини етказди.
Ҳужумчи 3 йиллик шартнома имзоламоқчи. Польшалик ҳужумчи яна уч йил энг юқори савияда ўйнай олишига ишонмоқда. «Бавария»нинг қарашлари бошқача. Немислар Робертга фақат бир мавсумга шартнома таклиф қилди. Левандовскининг эса бу муносабатдан ҳафсаласи пир бўлди.
Умуман олганда, «Барселона» трансфер учун 100 миллион евро ажратмоқда. Бу суммага трансфер харажатлари, футболчининг маоши ва агентлик тўловлари киради.
