"Удинезе" ва Лацио" ўртасидаги ўйиннинг охирида жанжалли воқеабўлди. Гап шундаки, ўйиннинг сўнгги дақиқаларига келиб мезбонлар минимал ҳисобда олдинда эдилар. "Лацио" эса, тинмасдан ҳужум уюштираётганди.
"Удинезе" қарши ҳужумга ўтади, айни шу пайтда трибунадан ҳакамнинг ҳуштагига ўхшаш узун ва бўлиқ ҳуштак овози янграйди. Ўйин тугади, деб ўйлаган "Лацио" ҳимоячиси тўп учун курашди тўхтатди, "Удинезе" ужумчиси Перейра эса, ўйинни давом эттириб иккинчи голни киритди.
Шундан сўнг, меҳмонлар эътироз қилишни бошлаб юбордилар. Тўполон шу даражага етдики, томонларнинг раҳбарлари, мураббийлар штаби ҳам майдонда ўзаро орани очди қилишга тушдилар. Ҳакам майдон марказидан ўйинни давом эттирмоқчи бўлганда эса, римликлар футболчиси тўпни қўли билан ушлаб тепиб юборди. шундан сўнг, Мауро Баргонци ўйинни тугатиб қўя қолди.
