«Барселона» ҳимоячиси Эрик Гарсия Европа Лигаси доирасида «Айнтрахт» (1:1) жамоасига қарши бўлиб ўтган ўйиндан кейинги фикрлари билан ўртоқлашди.
«Айнтрахт қандай прессинг қилаётганини ҳисобга олсак, бу, албатта, ёмон натижа эмас. Улар учрашувни бизникидан анча юқори суръатда, шиддат билан бошлади. Бироқ ўтказиб юборилган голга тўғри жавоб қайтара олдик.
Албатта, биз тўлиқ қониқдик деб айта олмаймиз. Биз ғалаба қозониш учун келгандик. Аммо Хави Бундеслига грандлари бу майдонда тез-тез мағлуб бўлишлари ҳақида огоҳлантирди.
«Айнтрахт»ни прессинг қўллаш борасидаги шиддати бизни бироз тушкунликка солди. Иккинчи ўйинда биз етарлича куч билан ҳаракат қилишимиз керак” - деди Гарсия.
