«Вулверхэмптон» клуби бош мураббийи Бруно Лаге Рубен Невешнинг жамоани тарк этиши мумкинлиги ҳақидаги фикрлари билан ўртоқлашди.
«Бўрилар» футболчисига сўнгги пайтларда бир қанча бадавлат клублар қизиқиш билдирмоқда.
“Бу "Манчестер Юнайтед"ми ёки бошқа жамоаларми, билмайман, лекин бу ерда биз билан муҳим футболчи борлигини биламан. Унинг бу мавсумда қилаётган ишлари катта ҳажмда. Аммо ким билади, қачонки сизда у каби топ ўйинчи бўлса, катта жамоалар бу футболчини 100 миллион фунтга сотиб олишлари мумкин”, деди у.
Унинг таъкидлашича, дунёда бундай таклифга қаршилик кўрсата оладиган клублар кам.
“Бу фақат "бўрилар" ҳақида эмас. Айни кунларда қайси клуб 80 миллион, 90 миллион ёки 100 миллион фунт стерлинглик таклифни рад қилиши мумкин? Бундай клублар бор-йўғи беш-олтита», - деди «Вулверхэмптон» устози.
