«Рома» ҳимоячиси Мараш Кумбулла «Будё-Глимт» жамоасига қарши Конференция лигаси 1/4 финал доирасида бўлиб ўтган учрашув ҳақида фикр билдирди.

«Бизга концентрация етишмади, айниқса иккинчи голда. Энди биз бу мағлубиятни унутишимиз, якшанба кунига эътибор қаратишимиз ва кейин жавоб ўйинига тайёргарлик кўришимиз керак. Биз бу ўйиндан албатта ниманидир ўрганамиз, ўзимизни яхшилашимиз керак, эртадан бошлаб йўл қўйган хатоларимиз ҳақида ўйлаб, уларни такрорламасликка ҳаракат қилишимиз керак», — деди «Рома» футболчиси Sky Sport Italia билан суҳбатда.