«Roma» himoyachisi Marash Kumbulla «Budyo-Glimt» jamoasiga qarshi Konferensiya ligasi 1/4 final doirasida bo‘lib o‘tgan uchrashuv haqida fikr bildirdi.
«Bizga konsentrasiya yetishmadi, ayniqsa ikkinchi golda. Endi biz bu mag‘lubiyatni unutishimiz, yakshanba kuniga e’tibor qaratishimiz va keyin javob o‘yiniga tayyorgarlik ko‘rishimiz kerak. Biz bu o‘yindan albatta nimanidir o‘rganamiz, o‘zimizni yaxshilashimiz kerak, ertadan boshlab yo‘l qo‘ygan xatolarimiz haqida o‘ylab, ularni takrorlamaslikka harakat qilishimiz kerak», — dedi «Roma» futbolchisi Sky Sport Italia bilan suhbatda.
