«Вест Хэм» бош мураббийи Дэвид Мойес Европа лигаси 1/4 финали доирасида «Лион»га қарши биринчи ўйинида клуб ҳимоячиси Аарон Крессуэллнинг четлатилиши ҳақида фикр билдирди.
«Биринчидан, Крессвелл майдондан четлатилишидан олдин Жаррод Боуэнга нисбатан қўполликни кўриб чиқиш керак. ВАР буни эътиборга олади деб умид қилгандим. Албатта, ҳакам ҳақида фикр билдирмайман. Бошқа саволларга жавоб бераман, аммо бугун ҳакамни муҳокама қилмоқчи эмасман», - деди Мойес.
Унинг қўшимча қилишича, жамоа жавоб ўйинига оптимистик қарашда.
«Босим пасайдими ёки йўқми, билмайман, чунки биз ярим финалга чиқмоқчимиз. Биз унчалик яхши ўйнамадик ва кейинги ҳафтада биз анча яхши ўйнай оламиз», - дея қўшимча қилди «Вест Хэм» бош мураббийи.
Дастлабки учрашув 1:1 ҳисобида якунланди.
