«Рома» ярим ҳимоячиси Лоренцо Пеллегрини «Будё-Глимт» бош мураббийи Хетил Кнутсеннинг дарвозабонлар мураббийи Нуну Гомесга қилган ҳужуми ҳақида гапирди.
«Уларнинг бош мураббийи бизнинг дарвозабонлар мураббийимизга ҳужум қилди. Бу шармандалик. Бундай хатти-ҳаракат «Рома»ни ҳақорат қилиш», - дея Пеллегрини сўзларидан иқтибос келтиради Football Italia.
Ярим ҳимоячи ушбу воқеадан сўнг Жозе Моуриньо шогирдлари жавоб ўйинида «Будё-Глимт»ни мағлуб этишни янада кўпроқ исташларини таъкидлади.
Эслатиб ўтамиз, Конференция лигасининг 1/4 финали билан ўтказилган биринчи баҳс Норвегия клубининг ғалабаси (2:1) билан якунланганди. Ушбу рақиблар ўртасидаги иккинчи ўйин 14 апрель куни Римда бўлиб ўтади.
