«Roma» yarim himoyachisi Lorenso Pellegrini «Budyo-Glimt» bosh murabbiyi Xetil Knutsenning darvozabonlar murabbiyi Nunu Gomesga qilgan hujumi haqida gapirdi.

«Ularning bosh murabbiyi bizning darvozabonlar murabbiyimizga hujum qildi. Bu sharmandalik. Bunday xatti-harakat «Roma»ni haqorat qilish», - deya Pellegrini so‘zlaridan iqtibos keltiradi Football Italia.

Yarim himoyachi ushbu voqeadan so‘ng Joze Mourinyo shogirdlari javob o‘yinida «Budyo-Glimt»ni mag‘lub etishni yanada ko‘proq istashlarini ta’kidladi.

Eslatib o‘tamiz, Konferensiya ligasining 1/4 finali bilan o‘tkazilgan birinchi bahs Norvegiya klubining g‘alabasi (2:1) bilan yakunlangandi. Ushbu raqiblar o‘rtasidagi ikkinchi o‘yin 14 aprel kuni Rimda bo‘lib o‘tadi.