Мюнхеннинг “Бавария” клуби бош мураббийи Юлиан Нагельсманн Амстердамнинг “Аякс” клуби футболчилари Нуссер Мазрауи ва Раян Гравенберхлар ёзда немис клубига ўтиши ҳақидаги миш-мишларга изоҳ берди.
“Ундай бўлса, мен бахтли бўламан. Ҳозирча ҳеч қандай миш-мишларга изоҳ берольмайман. Керак бўлганда расмий эълон қиламиз. Мазрауи ва Гравенберх жуда яхши футболчилар”, - деди Нагельсманн матбуот анжуманида.
Эслатиб ўтамиз, Мазрауи Мюнхен клубига эркин агент сифатида боради, чунки марокашлик футболчининг амстердамликлар билан шартномаси жорий мавсум охирида якунига етади.
