Мадриднинг “Реал” клуби бош мураббийи Карло Анчелотти ҳужумчи Гарет Бэйл ҳақида гапирди.
Маълумот учун, уэльслик футболчи мавсум охирида испан клубини текинга тарк этади.
“Биз Уэльс терма жамоасида Бейлнинг яхши формада эканини кўрдик. У "Реал"да ҳам шуни кўрсатмоқчи. Гарет "Сантьяго Бернабеу" билан чиройли тарзда хайрлашса адолатдан бўларди.
У ўзининг голлари, ўйинлари ва совринлари билан бу клуб тарихига кирди", - дея Анчелоттининг сўзларидан иқтибос келтирган Marca.
Эслатиб ўтамиз, 32 ёшли Бэйл 2013 йилда "Тоттенхэм"дан 101 миллион евро эвазига "Реал"га ўтган эди.