Тошкентнинг "Пахтакор" клуби Осиё Чемпионлар Лигасининг навбатдаги учрашувини "Ал-Иттиҳод" клубига қарши ўтказади. Тошкентдаги учрашувни ҳар икки жамоа сафида дисквалификация туфайли бир неча футболчилар ўтказиб юборишади.
Клуб расмий сайтининг маълум қилишича, «Пахтакор»дан Дилшод Шарофетдинов ва Ойбек Қиличев, меҳмонлар таркибида эса Мишал Саид сариқ ҳамда қизил карточкалар туфайли учрашувдан четда қолишади
Охирги турларда ишончли ўйин намойиш қилаётган Деян Журжевич шогирдлари бу турда ғалаба қозонишса ва «Банияс» Қатарда «Ал Араби» билан беллашувда очко йўқотса, барча масала 5-турдан кейин ҳал этилиши мумкин. Шундай ҳолатда Тошкентда ўйнайдиган икки клуб нимчорак финалга эга чиқади. Акс ҳолда, барчасига 6-турда Абу Дабида ўтказиладиган «Банияс» - «Пахтакор» тўқнашувида ойдинлик киритилади.
«Жар»даги ўйин барчани қизиқтирадиган даражада ўтиши аниқ. "Пахтакор" ФК чоршанба, 2 май куни соат 18:30да бошланадиган беллашувга мухлисларни таклиф этади.
