Франциянинг «Марсель» клубини 35 ёшли ярим ҳимоячиси Димитри Пайе Конференция лигасида ҳафтанинг энг яхши футболчиси деб топилди.

ПАОКга қарши учрашувида (2:1) франциялик футболчи битта гол урди ва голли узатмани амалга оширди. Ҳафтанинг энг яхши футболчиси бўлиш учун «Буде-Глимт» ярим ҳимоячиси Улрик Салтнес, «Славия» ярим ҳимоячиси Йира Сор ва ПСВ ҳимоячиси Мауро Жуниорлар курашишаётган эди.

14 апрель куни Конференция лигасининг 1/4 финалининг жавоб ўйинлари бўлиб ўтади.

Пайе жорий мавсумда «Марсель» сафида 26 та ўйинда майдонга тушиб, 10 та гол урди ва 9 та голли узатмани амалга оширди.