Мадриднинг «Реал» клуби ҳимоячиси Альваро Арбелоа «Севилья»га қарши Испания чемпионати 36-тур учрашувидан сўнг ўз фикрлари билан ўртоқлашар экан, унинг жамоаси чемпионатни деярли пастлашларсиз ўтказганини қайд этиб ўтди. Бу ҳақда клуб расмий сайти хабар бермоқда.
Эслатиб ўтамиз, «Реал» ҳамда «Севилья» ўртасидаги баҳс 3:0 ҳисобида мадридликлар фойдасига ҳал бўлди. Мадрид клуби ҳисобида 35 учрашувдан сўнг 91 очко бор ва у иккинчи ўриндаги «Барселона»дан етти очкога ўзиб кетгани ҳолда чемпионатда пешқадамлик қилмоқда.
«Биз Испания чемпионатида салкам идеал ўйин кўрсатмоқдамиз. Ўтган ой бир неча хатога йўл қўйганимизни ҳисобга олмасак. Ўйлашимча, биз чемпионликка лойиқмиз», - деди Арбелоа.
«Лигадаги ғалаба – энг асосийси. Агар «Реал» 100 очко тўпласа-ю, Криштиану 50та гол урса, ундан ҳам зўр бўларди», - дея қўшимча қилди «Реал» ҳимоячиси Альваро Алрбелоа.