«Барселона» ҳимоячиси Жерар Пике жароҳати сабаб «Леванте»га қарши Ла Лига доирасида бўлиб ўтадиган ўйинини ўтказиб юборади.
35 ёшли испаниялик футболчи Европа лигаси чорак финали доирасида Германиянинг «Айнтрахт» клубига қарши сафарда (1:1) бўлиб ўтган ўйинда жароҳат олиб, учрашувнинг 23-дақиқасида майдонни тарк этишга мажбур бўлганди.
Маълум бўлишича, Пике сон жароҳати туфайли 10 апрель куни бўлиб ўтадиган «Леванте»га қарши Ла Лига ўйинидан олдин тикланишга улгурмайди. Шу билан бирга, тажрибали марказий ҳимоячи «Айнтрахт»га қарши бўлиб ўтадиган жавоб ўйинида тикланиши мумкин. Футболчининг сафга қайтиш вақти ҳали маълум қилинмаган.
Жерар Пике жорий мавсумда «Барселона» сафида барча турнирларда 38 та ўйинда майдонга тушиб, 3 бор рақиблар дарвозасини ишғол қилган.
