"Барселона" ҳимоячиси Дани Алвеш Каталония клубидаги келажаги ҳақида ўз фикрлари билан ўртоқлашди.
"Клубдан ҳеч ким мен билан келажак ҳақида гапирмади, ҳозирча музокаралар олиб борилмаяпти. Нафақат ёш, балки кекса футболчилар ҳам энди "Барселона"да ўйнашга лойиқ эканликларини кўрсатишлари керак", - дея Алвешнинг сўзларидан иқтибос келтирган Mundo Deportivo.
Маълумот учун, 38 ёшли бразилиялик футболчи жорий мавсумда "Барса" сафида 10 та ўйинда майдонга тушиб, 1 та гол урди ва 3 та голга ассистентлик қилди. Футболчининг шартномаси 2021/22 йилги мавсум охиригача амал қилади.
