Англия чемпионати 32-тури доирасида «Эвертон» ҳамда "Манчестер Юнайтед" жамоалари тўқнаш келишади.
Биласизми?
«Эвертон» ўтган йилнинг сентябрь ойидан бери илк бор кетма-кет икки АПЛ уй учрашувида ғалаба қозониши мумкин.
"Манчестер Юнайтед" АПЛ доирасида «Эвертон»га қарши 37 ўйинда ғалаба қозонган. Манчестерликлар мусобақа тарихида фақатгина «Тоттенхем»ни кўпроқ (38 маротаба) ютишга муваффақ бўлишган.
"Манчестер Юнайтед" ярим ҳимоячиси Бруно Фернандеш «Эвертон»га қарши 4 АПЛ учрашувида олтита голда қатнашган. Шулардан тўрттаси (3 гол ва 1 ассист) "Гудисон Парк"даги икки ўйинда кузатилган. "Манчестер Юнайтед" сафида Премьер-Лиганинг «Эвертон»га қарши кетма-кет 3 сафар ўйинида гол урган охирги футболчи Руд ван Нистелрой бўлган (2001 йилнинг декабрь ойидан ва 2004 йилнинг февралигача).
Декабрь ойидан бери лига доирасидаги "Гудисон Парк"да ўтган баҳсларда гол урмаётган бўлса ҳам, «Эвертон» сафида Ришарлисондан (3) кўпроқ ўз номини таблога ёздириб қўйган футболчи йўқ.
Баҳс расмийлари
Бош ҳакам: Жонатан Мосс
Қанот ҳакамлари: Марк Перри, Тимоти Вуд
Захира ҳаками: Мартин Аткинсон
ВАР: Энди Медли
ВАР ёрдамчиси: Эдди Смарт
Томонлар АПЛ доирасида ўзаро 59 марта тўқнаш келишган. Шулардан 37 тасида «МЮ», тўққизтасида «Эвертон»нинг қўли баланд келган.
«Эвертон» - "Манчестер Юнайтед" учрашуви бугун Тошкент вақти билан 16:30да бошланади.
