Туриннинг “Ювентус” клуби Лондоннинг “Челси” клуби ярим ҳимоячиси Жоржиньони сотиб олишдан умидвор. Tuttosport хабарига кўра, "Кекса синьора" асли бразилиялик италиялик футболчини бўлажак мавсум оралиғидаги асосий мақсадларидан бирига айлантирган.
Жоржиньонинг “Челси” билан шартномаси 2023 йилнинг ёзида якунига етади. Бу шуни англатадики, ярим ҳимоячи ёзда сезиларли чегирмага эга бўлиши мумкин. Аввалроқ, Томас Тухель матбуот анжуманида унинг клуби Жоржиньонинг шартномаси билан боғлиқ вазиятни диққат билан ўрганиши кераклигини айтганди.
Жоржиньога "Ювентус" 2018 йилдан бери қизиқиш билдирмоқда. Жамоани Маурицио Сарри бошқарганида “кекса синьора”нинг қизиқиши янада ортди, аммо клублар келиша олишмади.
