«Барселона» бош мураббийи Хави Эрнандес клубнинг ярим ҳимоячи Гави билан шартномани узайтириш борасидаги музокаралар ҳақида гапирди.

«Мен Гави ҳақида оптимистик фикрдаман. У қолишни хоҳлайди. Лекин ҳаммаси клуб, футболчи ва унинг агентига боғлиқ. Гави «Барселона»да қолишга лойиқ. Умид қиламанки, у жамоада қолади. Сабаби, у бизнинг жамоага керак», - деб мутахассис сўзларини келтиради Маrcа.

Аввалроқ Гави шартномани узайтириш бўйича «Барселона»нинг бир қанча таклифларини рад этгани ҳақида хабар берилганди.