Англия премьер-лигасининг ўттиз иккинчи туридан ўрин олган учрашувда “Астон Вилла” ўз майдонида “Тоттенхэм”ни қабул қилди ва ўз дарвозасидан тўртта гол ўтказиб юбориб, мағлуб бўлди. "Астон Вилла" бош мураббийи Стивен Жеррард содир бўлган воқеадан қайғуда - унинг сўзларига кўра, унга бундай йирик мағлубиятни тушуниш қийин.
"Бу мағлубиятни тушунтириш қийин, уни қандай бўлса шундай қабул қилишгина қолади. Биринчи бўлимда жамоанинг ўйинидан мамнун бўлдим, имкониятлар кўп бўлди, ижро мени тушкунликка солиб қўйди. Ўйиннинг иккинчи бўлимида ноаниқликлар учун қаттиқ жазоландик. Энди кейинги ўйинлар ҳақида ўйлаш ва хатоларни тузатиш устида ишлашдан бошқа ҳеч нарса қолмади", - деди Жеррард.
