"Кристал Пэлас" устози Патрик Виейра Англия кубогининг ярим финалида "Челси"га қарши Галлахердан фойдала олмайди. Чунки қоидалар бунга йўл қўймайди.
Галлахер "Челси" футболчиси саналади. Виейра эса Англия ФАни бу борада танқид остига олди:
"Бу яхши қоида эмас. Шу сабаб биз муҳим футболчиларимиздан бири бўлган Конорни, муҳим ўйинлардан бирида йўқотамиз. Мен эса бундан хафсалам пир бўлди. Галлахер ҳозирга қадар барча ўйинларимизда иштирок этмоқда. Шу сабаб уни ярим финалда ўйнашга лойиқ деб биламан. Ярим финалда ғалаба қозониш жуда муҳим. Негаки, бу жамоага ишонч бахш этади".
"Челси" ҳамда "Кристал Пэлас" ўртасидаги баҳс 17 апрель куни Тошкент вақти билан соат 21:30да старт олади.
