Юрген Клопп "Ливерпуль" ҳамда "Манчестер Сити"ни Германиядаги "Бавария" ҳамда "BVB" билан солиштирди. У шундай дейди:
"Уларнинг даражаси ва салоҳияти тенг эканига шубҳам бор. Мен ушбу жуфтликлар ўртасидаги фарқни айтишим мумкин. "Боруссия" ҳамда "Бавария"ни солиштирадиган бўлсак, Дортмундда ҳар йили муҳим футболчиларимиздан айрилар эдик. "Бавария"да эса бундай ҳолат ҳеч қачон бўлмаган.
"Бавария"дан кетадиган футболчи ё фаолиятини якунлаётган бўлади, ё бошқа шунга ўхшаш нарса юз беради. "BVB"да эса энг яхши мавсумдан кейин сиз каттароқ клубга кетасиз, нафақага эмас. Ҳатто, сизни "Бавария"нинг ўзи ҳам сотиб олиши мумкин бўлади. Бу катта фарқ. Аммо Англияда "Ман Сити" каби етакчига Германиядаги йилларимизга қараганда яқинроқ бўла олдик, ҳар томонлама!"