"Анжи" маслаҳатчиси Герман Ткаченко айтишича, "Анжи "яқин орада Криштиану Роналдуни таклиф қилмоқчи эмас.

"У ҳозирча бизга керакмас. Биз бундай ўйинчилар таклиф қиладиган савиядамасмиз. Биз у билан мулоқот қилиш имкониятига эгамиз, у ҳам бизнинг лойиҳаларимиз ҳақида билади. Лекин бир нарсани тушуниш керак - фақат пул билан ўйинчи сотиб олиб бўлмайди. Унга қандайдир каттароқ, оламшумул лойиҳада иштирок этиш ҳиссини бера олиш керак.

Роналдуга пулдан бошқа нарсаларни ҳам таклиф қила олиш даражасига етасак, балки, музокараларни бошлармиз. Бунинг устига Криштиану катта савдо имконияти, шунинг учун унинг нархи юз миллион евро атрофида. Афсуски бизнинг футбол ҳали унинг савдо имкониятларидан фойдаланишга йўл қўймайди", - дея Ткаченконинг сўзларини келтиради "Огонек".