2 май санасида "Жар" стадионида бўлиб ўтадиган "Пахтакор" ҳамда "Ал-Иттиҳод" жамоалари ўртасидаги учрашувидан аввал, иккала жамоа бош мураббийлари иштирокида матбуот анжуман бўлиб ўтди. Дастлаб журналистларнинг саволларига "Ал-Иттиҳод" бош мураббийи Раул Канеда ҳамда жамоа футболчиси Ҳаттан Султан жавоб берди

Раул Канеда: — Аввало барчага ассалому алайкум! Эртанги учрашув ўта муҳим хисобланади. Ғалаба қозониш учун иккала жамоа ҳам барча имкониятларини ишга солади. "Пахтакор"да ҳам, бизда ҳам шундай имконият бор. Ўйлайманки, чиройли ўйин бўлади.

Ҳаттан Султан: — Биз бу ерга ғалаба қозониш учун келдик, гарчи "Пахтакор"нинг жуда ҳам кучли жамоа эканлигини билсак ҳам. Биламиз, улар ҳам эртанги баҳсга жуда ҳам яхши тайёргарлик кўришган. Шунга қарамай, биз ҳам мураббийимиз қўл остида машғулотларда яхши ишладик ва эртанги баҳсда Тошкентдан 3 очкони кўлга киритишган ҳолда қайтишга ҳаракат қиламиз.

— Жиддадаги ўйиндан кейин "Пахтакор"ни кузатган бўлсангиз жамоа қай даражада ўзгарди деб ўйлайсиз?
— ОЧЛнинг ҳар бир ўйинидан кейин ўзгариш бўлади. "Пахтакор"даги ўзгаришлар эса анча яхши. Жамоа ўйиндан-ўйинга анча ўсмоқда ва ўз ўйин ғоясини ўзгартириб бормоқда. Шунга қарамай, биз ҳам рақибга нисбатан яхши қаршилик кўрсатишга ҳаракат қиляпмиз. Машғулотларда шунга ҳаркат қиляпмиз.

— "Ал-Иттиҳод" ички чемпионт баҳсларида яхши қатнаша олмаяпти. Бунинг сабаби нимада?
— Мен бутун мавсум ҳақида гапирмаган бўлардим. Чунки, сўнги иккита ўйинда жамоага бошчилик қилдим. Натижа тарафдан мен жамоани ўта қийин вақтда қабул қилиб олдим. Шунга қарамай ўзим бошчилик қилган учрашувларда футболчиларни кўрсатган ўйинлари мени хурсанд қилди ва мана бизда ОЧЛда курашни давом эттириш имконият бор. 

— "Ал-Иттиҳод"ни гуруҳдан чиқишига ҳамма ишонмоқда. Айтингчи, "Ал-Иттиҳод" билан гуруҳдан қайси жамоани кейинги босқичга чиқишини истардингиз?
— Мен гуруҳда иккинчи жамоани танлагандан кўра, 1-ўринни олиб кейинги босқичга чиқишимизни ва яхши натижага эга бўлишимизни истаган бўлардим.

Абдумутал Абдуназаров ёзиб олди.