ОЧЛ гуруҳ босқичи 5-туридаги ўзбек клублари иштирокидаги барча ўйинлар "Спорт" телеканалида трансляция қилинади.
2 май куни Осиё чемпионлар Лигасида иштирок этаётган Ўзбекистоннинг учта клуби – "Бунёдкор", "Пахтакор" ҳамда «Насаф» гуруҳ босқичи доирасидаги 5-тур учрашувларини ўтказишади. "Спорт" телерадиоканали ушбу учрашувларнинг барчасини тўғридан-тўғри эфирда намойиш этишни режалаштирган.
Хусусан, 2 май куни 14:55 да "Аделаида Юнайтед"-"Бунёдкор" ўйини намойиши бошланса, 18:25 да "Пахтакор"-"Ал-Иттиҳод" баҳси тўғридан-тўғри кўрсатилади. Соат 20:40 да эса "Ал-Жазийра"-"Насаф" учрашуви трансляция қилинади.
