"Ювентус" ҳужумчиси Пауло Дибала фаолиятини "Арсенал" ёки "Ньюкасл"да давом эттиришдан манфаатдор эмас.
Internews хабарига кўра, футболчи ёзда "Ювентус"ни тарк этганидан кейин Италия чемпионатида қолишни истамоқда.
Премьер-лига клублари Дибалага қизиқиш билдиришди, аммо аргентиналик футболчи фаолиятини давом эттириш учун бошқа вариантларни кўриб чиқади. Асосий даъвогарлардан бири “Интер”.
Жорий мавсумда ҳужумчи барча турнирларда 30 та ўйин ўтказиб, 13 та гол урди ва 6 та голли узатмани амалга оширди. Унинг "Ювентус" билан шартномаси шу ёзда якунига етади.
