«Барселона» бош мураббийи Хави клуб ярим ҳимоячиси Педрини мақтади, аммо клубнинг ўйини бир футболчининг ўйинига кўп боғлиқ эмаслигини таъкидлади.

«Педри — ажойиб футболчи. У мени ҳаяжонга соладиган ва ўзгаришлар қила оладиган футболчи. У «Леванте»га қарши ўйинда ажойиб гол урди, аммо биз фақатгина Педрининг ўйинига қарам эмасмиз», - деди Хави.

Унинг таъкидлашича, жамоада бундан кам аҳамиятли футболчилар йўқ. «Френки де Йонг ва Нико Гонсалес ҳам ажойиб ҳаракат қилишди», - деди Хави «Леванте» билан ўйиндан кейин.

Педри жорий мавсумда Ла Лигада 12 та ўйинда майдонга тушиб, 3 та гол ва 1 та голли узатмани амалга оширди.