Туркиянинг "Бешиктош" клубида ижарада ҳаракат қилаётган "Барселона" ярим ҳимоячиси Миралем Пьянич мавсум якунида клубга қайтади. Бу ҳақида турк клуби бош директори Жейхун Казанчи маълум қилди.
"Пьянич мавсум бошидан бери жамоамизда ижарада ўйнаяпти. Бироқ кейинги мавсумда уни жамоада олиб қолмаймиз ва Миралемни июнь ойида "Барса"га қайтарамиз, биз мураббийнинг услубига мос келадиган ўйинчиларни жамоада кўришни хоҳлаймиз", - деди Казанчи.
32 ёшли босния ва герцеговиналик футболчи Туркия суперлигасининг жорий мавсумида 18 та ўйинда майдонга тушиб, 2 та голли узатмани амалга оширди.
