Turkiyaning "Beshiktosh" klubida ijarada harakat qilayotgan "Barselona" yarim himoyachisi Miralem Pyanich mavsum yakunida klubga qaytadi. Bu haqida turk klubi bosh direktori Jeyxun Kazanchi ma’lum qildi.
"Pyanich mavsum boshidan beri jamoamizda ijarada o‘ynayapti. Biroq keyingi mavsumda uni jamoada olib qolmaymiz va Miralemni iyun oyida "Barsa"ga qaytaramiz, biz murabbiyning uslubiga mos keladigan o‘yinchilarni jamoada ko‘rishni xohlaymiz", - dedi Kazanchi.
32 yoshli bosniya va gersegovinalik futbolchi Turkiya superligasining joriy mavsumida 18 ta o‘yinda maydonga tushib, 2 ta golli uzatmani amalga oshirdi.
