"Реал" бош мураббийи Карло Анчелотти "Челси"га қарши Чемпионлар лигаси 1/4 финал жавоб ўйини олдидан кайфият ҳақида гапирди.
“Бизни қийин учрашув кутиб турибди. Биз жанг қилишимиз керак. “Челси”дан ўтиш учун қўлимиздан келганини қилишимиз зарур.
Тухелнинг қайтиши мумкин эмаслиги ҳақидаги сўзлари? Ҳар кимнинг ўз фикри бор. Улар бу ерга ғалаба қозониш учун келишган", - дея иқтибос келтиради Football Italia мураббий сўзларидан.
Лондонда бўлиб ўтган биринчи ўйинда "Реал" 3:1 ҳисобида ғалаба қозонган. 12 апрель куни Мадридда "Реал" ва "Челси" ўртасидаги чорак финал жавоб учрашуви бўлиб ўтади.