"Манчестер Юнайтед"нинг собиқ сардори ва ҳимоячиси Гари Невилл "Ливерпуль" бош мураббийи Юрген Клоппни "Манчестер Сити" бош мураббийи Хосеп Гвардиола билан солиштирди. Англиялик футболчининг сўзларига кўра, Клопп ўз клубида "Манчестер Сити"даги Гвардиоладан анча қийинроқ ишни бажарган.
"Юрген Клоппнинг "Ливерпул"да қилган иши ақл бовар қилмайди. Бунга ишониш қийин. Менимча, Юргеннинг "Ливерпул"даги иши Гвардиоланинг "Манчестер Сити"даги ишидан анча қийинроқ", - дея Невилнинг сўзларидан иқтибос келтирган Anfield Watch.
Эслатиб ўтамиз, кеча "Ливерпуль" ва "Манчестер Сити" АПЛ доирасида ўзаро тўқнаш келишди. Ўйин 2:2 ҳисобида дуранг билан якунланди. Клублар келаси ҳафта Англия кубогида яна ўзаро ўйнашади.
