Лондоннинг "Арсенал" ва Англия терма жамоаси ярим ҳимоячиси Букайо Сака қайси футболчи уни кўпроқ ҳайратда қолдириши ҳақида фикр билдирди.
«Сержи Бускетс. У нақадар нафислик билан мендан қочиб кетди!
Аввал бу тарафдан, кейин эса у тарафдан кириб, унга прессинг уюштирмоқчи ва унга босим ўтказмоқчи бўлдим. Бироқ, у мени шунчалик ноқулай аҳволга солиб қўйдики, мен: "Ҳа, бу футболчи кучли экан" - деб ўйладим. У мени ишсиз қолдиргани учун Сержига мен фақат бир нарсани айтишим мумкин: "Ҳурмат".
Бускетс ҳаммадан уч қадам олдинда. Футболчини энг яхши қиладиган нарса шу. Ўша куни мен шуни тушундим" - деди "Арсенал" ва Англия терма жамоаси ярим ҳимоячиси.
