«Бетис» ярим ҳимоячиси Набил Фекирга «Атлетико» клуби жиддий қизиқиш билдирмоқда.
«Матрасчилар» бир неча йиллардан буён франциялик ҳужумкор ярим ҳимоячини кузатиб боришмоқда ва яқин келажакда уни қўлга киритишга ҳаракат қилишлари мумкин, дея хабар бермоқда Foot Mercato.
Фекирнинг «Бетис» билан амалдаги шартномасида товон пули 100 миллион еврони ташкил қилади. Унинг клуб билан шартномаси 2026 йилнинг ёзига қадар амал қилади.
Набил Фекир жорий мавсум «Бетис» сафида барча турнирлар доирасида 39 та ўйинда майдонга тушиб, 10 та гол урди ва 9 та голли узатмани амалга оширди.
Transfermarkt портали франциялик ярим ҳимоячининг нархини 35 миллион еврога баҳоламоқда.
