Дортмунднинг «Боруссия» клуби ҳужумчиси Эрлинг Холанд шу йилнинг ёзида "Реал" клубига кўчиб ўтмаслик эҳтимоли катта.
Италиялик журналист Жанлука Да Марционинг хабар беришича, футболчи ва клуб ўртасида музокаралар олиб борилган. Флорентино Перес ҳужумчини Дортмундда яна бир мавсум ўтказишга ва 2023 йилнинг ёзида уни сотиб олишга кўндиришга уринди.
«Реал» бу келишув учун 125 миллион евро ажратишга тайёр эди, бироқ футболчи бу таклифни рад этди. У Германияда яна бир мавсум ўтказишни истамаяпти.
Мадридликлар Холанднинг трансферига умидсизлик билан қарамоқда. Перес ҳали ҳам келишувга тайёр, аммо бунинг амалга ошиши даргумон.
Ягона вариант - «Реал» Килиан Мбаппенинг трансферидан воз кечади ва бутун молиявий ресурсни Холандга қаратади.
