Мадриднинг «Реал» клуби агар бошқа юлдуз футболчиларни ўз сафига қўша олмаса, у ҳолда «Манчестер Сити» ярим ҳимоячиси Кевин Де Брюйне учун курашга киришиши мумкин.
Хабар берилганидек, ҳужумчилар Килиан Мбаппе ва Эрлинг Холанд "Реал"нинг ёздаги асосий трансфер мақсадлари ҳисобланади. Бироқ, иккала келишув ҳам амалга ошмай қолиши мумкин, чунки франциялик футболчи "ПСЖ" билан шартномасини узайтиришни хоҳламоқда. Норвегиялик ҳужумчига эса Англиянинг «Манчестер Сити» клуби томонидан ҳам жиддий қизиқиш бўлмоқда. Бу ҳолатлар «Реал»ни трансфер бозорида бошқа вариантларни излашга мажбур қилади.
Todofichajes нашрининг хабарига кўра, "қаймоқранглилар" "Манчестер Сити" ярим ҳимоячиси Кевин Де Брюйнега қизиқиш билдирмоқда. Манбанинг таъкидлашича, 30 ёшли бельгиялик футболчи узоқ вақтдан бери «Реал»да ўйнашни орзу қилган ва Мадрид клуби бош директори аллақачон Англия Премьер-лигаси юлдузининг агенти билан учрашган, бироқ ҳозирча музокараларда бироз олдинга силжиш бўлмаган.
«Манчестер Сити» ўз етакчиси учун тахминан 100 миллион евро талаб қилиши мумкин.
