Россия чемпионатининг 24-тур доирасида бўлиб ўтган «Ростов» - «Локомотив» жамоалари (4:0) ўртасидаги учрашув нафақат жуда кўп голлар билан, балки ВАР тизими қўлланилгани туфайли ўйин ўн саккиз дақиқадан кўпроқ чўзилгани билан ҳам эсда қолди.

Учрашув бош ҳаками Ян Бобровский тез-тез тизимга мурожаат қилиб, аввалига эҳтимолий пенальти масаласини ўрганиб чиқди, сўнгра «Ростов» дарвозасига белгиланиши мумкин бўлган бошқа пенальтини текширди, лекин якунда беш дақиқалик танаффусдан сўнг у пенальти берилмади.

Ўйиннинг иккинчи бўлимида Бобровский ВАРдан синчковлик билан фойдаланишда давом этди. Ҳисоб-китобларга кўра, бош ҳакам биринчи бўлимда 9 дақиқа 58 сония, иккинчи бўлимда эса 8 дақиқа 23 сония вақтни ВАР учун сарфлаган.