"Манчестер Сити" Дортмунднинг "Боруссия" клубининг 21 ёшли норвегиялик ҳужумчиси Эрлинг Холанд борасида музокаралар олиб бормоқда. Бу ҳақда Sky Sports Italia хабар бермоқда.
Манбага кўра, "Манчестер Сити" аллақачон Дортмунд клубига футболчи учун катта таклиф жўнатган - у 75 миллион евролик товон пулини фаоллаштиришни, шунингдек, унинг агенти Мино Райолага 70 миллион евро комиссия тўлашни ўз ичига олади. Футболчининг ўзига мавсумига 30 миллион евро маош билан 5 йиллик шартнома таклиф қилинади.
Эслатиб ўтамиз, Холанд 2020 йилнинг январ ойида "Зальсбург"дан 20 миллион евро эвазига "Боруссия" футболчисига айланганди.
