"Ювентус" ярим ҳимоячиси Хуан Куадрадо АПЛга қайтиши мумкин, дея хабар беради Team Talk.
Манбага кўра, 33 ёшли колумбиялик футболчига "Тоттенхэм" қизиқиш билдирмоқда. Лондон клуби "Ювентус" билан амалдаги шартномасини узайтириш бўйича музокаралар тўхтаб қолганлиги сабабли Куадрадони ўз сафига қўшиб олишга ҳаракат қилмоқчи.
Эслатиб ўтамиз, Куадрадо 2015 йилдан 2017 йилгача “Челси” сафида ҳаракат қилган.
2021/22 йилги мавсумда колумбиялик футболчи “Ювентус” сафида барча мусобақаларда 40 та ўйинда майдонга тушиб, 5 та гол урди ва 3 та голли узатмани амалга оширди. Transfermarkt портали футболчини 10 миллион еврога баҳоламоқда.
